A Tradescola, centro de ensino de música, canto e baile tradicionais galegos xestionado pola Asociación de Gaiteiros e Gaiteiras Galegas en Lugo, inicia o prazo de matrícula para alumnado novo entre o 3 e o 11 de setembro, unha oportunidade para incorporarse ás aulas da escola de música e baile tradicionais galegos e formar parte dun proxecto educativo comprometido coa transmisión e co futuro da nosa cultura.
Durante os días 1 e 2 de agosto, no corazón da Feira e Festa da Música e da Arte que é o Festival de Pardiñas, a Mostra de Instrumentos de Música Tradicional celebra a súa 33ª edición, consolidada como un dos encontros de referencia para a artesanía musical galega e para a divulgación da nosa cultura de raíz.
A cidade de Pontevedra acollerá os días 10, 11 e 12 de xullo a XXVII edición do Memorial Ricardo Portela, unha das citas máis emblemáticas da música tradicional galega. A Praza da Ferraría converterase, durante tres xornadas, nun espazo de encontro para artesáns, agrupacións de música e baile tradicional e público de todas as idades, cunha programación que combina concertos, homenaxes e pasarrúas polas rúas e prazas do centro histórico.
Nesta ocasión, o encontro renderá homenaxe a José Fernández Canosa, coñecido como “O Ghaiteiro do Piñeiro”, figura fundamental na transmisión das tradicións de Aldán, especialmente da danza e dos Reis de Aldán, que mantivo vivas ao longo de case medio século de actividade musical.
O Concello de Arzúa acordou nomear a súa Casa da Cultura co nome de Xulio Vázquez Carril, “O Gaiteiro de San Miguel”, nun acto de homenaxe que terá lugar este domingo 27 de xuño a partir das 12h.. Trátase dun recoñecemento público a unha das figuras máis queridas e representativas da nosa tradición musical, cuxa traxectoria deixou unha fonda pegada no patrimonio cultural galego.
Seguimos coas celebracións do peche de curso. Esta semana a Tradescola celebrará a tradicional audición de final de curso, un encontro no que o alumnado adulto da escola amosará o traballo realizado ao longo do ano nas aulas de música tradicional e baile galego.
A Tradescola celebrará mañá a súa festa de fin de curso do alumnado infantil e xuvenil, unha xornada moi especial, aberta ás familias, na os e as peques da escola amosarán o traballo realizado ao longo do curso nas aulas de música e baile tradicionais.
Ao longo do mes de maio O Recuncho da palleta ofreceu, como é costume, unha panorámica da vitalidade da música tradicional galega.
Podes escoitar os podcast na Radio Galega, con historias que van da creación colectiva ás homenaxes persoais, pasando polos grandes encontros e polos proxectos que manteñen viva a nosa cultura de raíz.
O primeiro fin de semana de agosto volverá traer a Pardiñas ese latexo único que só alí se sente: o encontro entre a música, a artesanía e a memoria viva dun pobo. Os días 1 e 2 de agosto, no corazón do Festival de Pardiñas, celebrarase a 33ª Mostra de Instrumentos de Música Tradicional, unha cita xa mítica organizada pola Asociación de Gaiteiros e Gaiteiras Galegas. Trátase dun dos encontros culturais máis singulares e agardados do país que reune artesanía, música e patrimonio e que leva máis de tres décadas xuntando a artesáns, intérpretes, investigadores e público de todas as idades.
O Concello de Ordes aprobou por unanimidade, no pleno do pasado mes de febreiro, a colocación dun busto en memoria de Manuel Viqueira Vieites, o Gaiteiro de Vilaverde, referente imprescindible da música tradicional na comarca.
Onte, martes 19 de maio, ás 20.00 h, a Tradescola viviu unha desas xornadas que quedan na memoria: a presentación oficial da nova Aula de Conxunto, un proxecto moi agardado e que afrontamos con enorme ilusión.
A Tradescola celebrou un ano máis o ciclo “Sons de Maio”, a cita con motivo da celebración das Letras Galegas que volveu a encher Lugo de música e baile tradicionais.
A parroquia de Viascón celebrará este domingo 24 de maio un acto moi especial: a inauguración da nova praza e da escultura dedicada a Ricardo Portela Bouzas, unha das figuras máis destacadas da nosa música tradicional e un referente imprescindible para varias xeracións de gaiteir@s.