A Tradescola leva o Entroido Tradicional ás familias dos centros educativos de primaria de Lugo
O vindeiro martes 10 de febreiro celebrarase unha xornada especial dedicada ao Entroido tradicional, organizada pola Tradescola en colaboración coa Área de Educación do Concello de Lugo. A iniciativa está dirixida ás ANPAS de todos os centros de educación primaria do municipio e concíbese como unha actividade aberta ao público familiar, pensada para vivir e compartir o Entroido desde a creación, o ritmo e o movemento.