Unha nova edición do Memorial Henrique Otero e tamborileiros con nome propio foron as propostas do Recuncho da Palleta do mes de abril
No primeiro dos programas do mes de abril achegámonos a Gaiteiro do Fragoso coa nova edición do Memorial que homenaxea a súa figura e o seu legado.
Xaime Estévez fálanos do XII Memorial Henrique Otero que se desenvolverá no Auditorio Martín Codax do Conservatorio Superior de Múscia de Vigo co lema "Máis alá da gaita". Nesta edición de homenaxe ao gaiteiro do Fragoso participará unha decea de grupos. Aquí escoitamos a algúns dos músicos que subirán ao escenario, como Xeila Domínguez, Gabriel Fernández, Xosé Estévez, Anxo Pintos, Iván Abal ou Alexandre Labraña. Tamén conversamos con Henrique, o fillo do que foi primeiro mestre de gaita no Conservatorio de Vigo.
Podes escoitar o podcast na Radio Galega:
Máis alá da gaita | AGalegaAudio | Recuncho da palleta do 05.04.26
Recuncho da palleta do día 12.04.26 : Tamborileiros con nome propio
A sona adóitana levar os gaiteiros mentres o nome dos tamborileiros queda esquecido. Ramón Dopico proponse convertelos en protagonistas neste espazo no que lembra a algúns dos máis grandes: Manuel Castro (Aires da Terra), José Fernández (Toxos e flores), Celestino Carballa (Os Campaneiros), Luis Corral (Millo Verde), Manolo Rodríguez (Muxicas) ou Manuel Alonso (Noitarega).
Tamborileiros con nome propio | AGalegaAudio | Recuncho da palleta do 12.04.26
