A Tradescola abre o prazo de matrícula para o curso 2026–2027
A Tradescola, centro de ensino de música, canto e baile tradicionais galegos xestionado pola Asociación de Gaiteiros e Gaiteiras Galegas en Lugo, inicia o prazo de matrícula para alumnado novo entre o 3 e o 11 de setembro, unha oportunidade para incorporarse ás aulas da escola de música e baile tradicionais galegos e formar parte dun proxecto educativo comprometido coa transmisión e co futuro da nosa cultura.
Para o curso 2026–2027, que comezará o vindeiro 14 de setembro, a Tradescola ofrece unha ampla variedade de especialidades impartidas por mestres cunha longa traxectoria no eido da música e do baile tradicional:
- Acordeón: Alberte Núñez
- Acordeón diatónico: Alberte Núñez
- Baile tradicional: Xabier Iglesias
- Canto e pandeireta: Branca Villares e Roberto Rodríguez
- Clarinete: Lucía Eiros
- Gaita: Bruno Villamor e Jose Manuel López
- Pandeira: Branca Villares
- Pandeiro: Roberto Rodríguez
- Percusión tradicional: Miguel Anxo López
- Requinta: Bruno Villamor
- Zanfona: Germán Díaz
- Linguaxe musical: Lucía Eiros
- Aulas infantís (a partir de 4 anos): Xabier Iglesias
- Aulas de conxunto: Pedro Pascual
As clases impartiranse nos locais do Centro Lug 2 e nos locais do Centrad de Lugo.
A matrícula poderá formalizarse do 3 ao 11 de setembro, en horario de 11.30 a 13.30 e de 16.30 a 18.30 horas, nos locais da Tradescola situados na Rúa Pintor Corredoira nº 4 (Centro Lug 2). Para máis información, as persoas interesadas poden contactar no teléfono 982 229 966, no correo electrónico tradescola@gaiteirosgalegos.gal ou achegarse pola nosa oficina.
Co inicio deste novo período de inscrición, a Tradescola reafirma o seu compromiso coa formación musical e co impulso da tradición galega, convidando a novas persoas a sumarse a unha comunidade viva, diversa e apaixonada pola nosa cultura.
Podes consultar máis información sobre a escola en https://tradescola.agg.gal/