O Recuncho da Palleta achéganos, durante o mes de xaneiro, á introdución da gaita no pop galego, á presentación do Colectivo Diatónico Galego e aos Cantos de Reis
Xaime Estévez cóntanos como foi a difícil introdución do noso instumento tradicional máis senlleiro, a gaita, nas composicións de música pop.
Onte o noso compañeiro Xaime ofreceunos unha nova entrega do Recuncho da Palleta, o espazo integrado dentro do programa Lume na Palleira, dedicado á divulgación musical e á memoria sonora do país e que cada domingo achéganos unha selección coidada de pezas, historias e referencias que permiten afondar na tradición musical galega.
Nesta ocasión podemos oír a algúns dos precursores da introdución da gaita no pop galego: Los Tamara, Andrés Dobarro, Petapouco,...
A introdución da gaita no pop galego | AGalegaAudio | Recuncho da palleta do 18.01.26
Outras entregas previas, tamén neste mes de xaneiro:
Recuncho da palleta do día 11.01.26 : Nace o Colectivo Diatónico Galego
Codia é o nome dunha asociación fundada o pasado ano que reune aos intérpretes de acordeón diatónico galego. aos que o tocan e aos que algunha vez o tocaron. Guillerme Inácio Costa preséntanos á presidenta da asociación, Lucía Santiago, e a un dos seus promotores, Félix Rodríguez. Ademais Miguel Fraguas cóntanos o programa da romaría de San Sebastián que se vai desenvolver en Pontevedra.
Nace o Colectivo Diatónico Galego | AGalegaAudio | Recuncho da palleta do 11.01.26
Recuncho da palleta do 4.01.26 de xaneiro : Cantos de Reis
Ramón Dopico fálanos dos Cantos de Reis, da súa orixe, das danzas coas que se acompañaban nalgúns lugares e doutras vellas tradicións do Nadal galego. Escoitamos pezas recompiladas no libro "Cantares de Reis", coordinado por Xosé Luis Rivas e editado polo Concello de Boimorto no ano 2006.
Cantos de Reis | AGalegaAudio | Recuncho da palleta do 04.01.26
