agg

Charla impartida por Pablo Carpintero no marco da sexta edición das Xornadas arredor da música tradicional organizadas pola AGG o 15 - 9 – 2018.

Despois de analizar máis de trescentas gaitas de fol antigas no noroeste peninsular fomos quen de establecer unha relacion, moi clara nalgúns casos, entre determinados aspectos destes instrumentos e a paisaxe onde se desenvolveron. Este descubrimento demostra unha fonda relación, un determinismo xeográfico, mediado pola psicoloxía, entre a paisaxe e aspectos relevantes da cultura da gaita de fol no noroeste peninsular.

Pablo Carpintero, é músico, artesán e investigador. Doutor en Ciencias pola Universidade de Santiago de Compostela e posuidor do Diploma de Estudos Avanzados en Historia da Música, está a realizar no momento desta charla os estudos de doutorado, sobre a gaita de fol, no Departamento de Historia da Arte da USC. Ttraballou no proxecto Ronsel da Universidade de Vigo para a recuperación do Patrimonio Cultural Inmaterial de Galicia, foi consultor da UNESCO para temas relacionados co PCI, e formou parte do comité de expertos que a UNESCO designou para escoller as obras mestras do PCI da humanidade. Ten editado múltiples traballos de investigación e discográficos e na actualidade traballa como artesán especializado na factura de todo tipo de instrumentos musicais tradicionais galegos (gaitas de fol, tambores, bombos, pandeiretas, requintas etc.).