agg

Charla impartida por Felipe Rodicio no marco da sexta edición das Xornadas arredor da música tradicional organizadas pola AGG o 28/9/2019.

Exposición sobre o traballo de investigación que ten como obxectivo aproximarse á figura de Florencio, O Cego dos Vilares, un dos últimos representantes da longa tradición de violinistas cantores no noreste peninsular, que se caracteriza polo uso de notas, escalas e ornamentos afastados do temperamento occidental estándar. Analizaremos a microtonalidade estructural e ornamental que empregaba na súa interpretación tanto instrumental como vocal. Posteriormente realizaremos unha análise estatística das notas que forman o ámbito de cada peza para poder comparala co estándar e achegarnos, deste xeito, ás escalas e modos empregados por Florencio.

A figura do Cego dos Vilares ten grande relevancia no panorama musical galego, comprender e analizar o seu estilo interpretativo podería axudarnos a implementar (ou non) o seu xeito na práctica actual do violín popular en Galicia.

Felipe Rodicio é Musicólogo e licenciado en ADE. Combina a súa actividade artística coa docencia regrada. No momento desta charla está traballando na análise das escalas microtonais empregadas polos violinistas cegos no noroeste peninsular. Con formación clásica, é na E-trad onde se aproxima a música tradicional. Como instrumentista forma parte de varios grupos.