agg

Charla impartida por Juan Mari Beltrán no marco da sexta edición das Xornadas arredor da música tradicional organizadas pola AGG o 28 - 9 – 2019

A tronpa-mosugitarra é un pequeno instrumento musical popular vasco, documentado desde o século XV ata finais do XIX, mais foi caendo en desuso, quedando a principios do século XX, apenas algúns interpretes nalgúns recunchos das zonas rurais, sen presenza pública e non aparecía entre os instrumentos tradicionais vascos que se presentaban nos festivais de Cultura Vasca daqueles anos. Foi a finais da década de 1960 e principios dos 70 cando volve ser tida en conta dentro do novo renacemento cultural vasco e volve soar neses ambientes musicais e culturais. Logo da tarefa de recompilación e investigación, neste momento podemos obter unha visión máis ampla encol do uso, interpretes, contorna social e a función deste instrumento na historia da música tradicional vasca, o cal vemos nesta charla.

Juan Mari Beltrán Argiñena é compositor, instrumentista, investigador e profesor de música. Desde moi novo viuse inmerso na música e con 11 anos xa tocaba o clarinete na banda municipal de música de Etxarri Aranatz e o txistu no grupo de txistularis. Aprendeu de recoñecidos txalapartaris, txistularis e dos vellos dulzaineros de Gipuzkoa, sempre na procura e investigación da música, os músicos e os instrumentos.

Como músico tomou parte en distintos grupos habendo varios discos froito do traballo nos mesmos. 

No campo da recompilación e investigación publicou diversos traballos sobre os intrumentos de música, danzas-xogo e musica popular vasca. No campo da pedagoxía traballou como profesor de música no ensino primario e desde 1985 imparte clases de txistu, alboka, dozaina e txalaparta na Escola Pública de Música “ Hernani”, así como cursos, charlas e concertos didácticos de música e instrumentos populares vascos. Actualmente, cos fondos de música popular que recompilou ao longo da súa vida (instrumentos musicais, biblioteca, fonoteca e arquivo de imaxe fotografía e filmacións), organizou, xunto ao Concello de Oiartzun o Centro de Documentación de Música Popular “Herri Musikaren Txokoa” inaugurado o 1 de marzo de 2002.