agg

En Asturias, unha parte significativa da música popular garda estreita relación coa gaita. Este instrumento, herdanza do medievo e encarnación de anacrónicos modos de facer música, resístese á profetizada desaparición que, a consecuencia da súa incardinación nun modelo obsoleto de sociedade, parecía ser o seu destino.

Charla impartida por Alfonso Fernández no marco da quinta edición das Xornadas arredor da música tradicional organizadas pola AGG o 16 - 9 – 2017

Sustentándose na narrativa identitaria desenvolvida ao quecer do Romanticismo, a gaita inicia uns procesos de visibilización, codificación e estandarización que configuraron tanto o seu ser material como o seu universo simbólico. Estes procesos afectan especialmente á música que se lle confía e que, moldeada ao longo de varios séculos, chegou a ser un corpus discreto, estruturado e socialmente admitido como representativo do temperamento musical dun grupo humano dado. O que chamamos «repertorio da gaita asturiana» é o aquí e o agora deste camiño histórico.

Juan Alfonso Fernández García é Licenciado en Filoloxía Hispánica, Doutor en Historia e Ciencias da Música e Director do Museo da Gaita de Xixón dende 1997, así como autor de diferentes libros sobre a gaita asturiana